.المغرب يعتبر بلد جد محظوظ بموقعه الجغرافي المميز و الذي يجعله يتوفر على أعلى القمم الجبلية في شمال إفريقيا و الوطن العربي كافة :سلسلة الأطلس الكبير تتوفر على اعلى القمم في المغرب , و هاته السلسلة يمكن تقسيمها لتلاثة محاور .الأطلس الكبير الشرقي و أعلى قمة به هي قمة جبل العياشي 3757 متر قرب مدينة ميدلت .الأطلس الكبير الوسط و أعلى قمة به هي قمة جبل مكون 4072 متر يقع بين مدينة أزيلال و قلعة مكونة .و الأطلس الكبير الغربي و تتواجد به أعلى قمة بالمغرب و شمال إفريقيا و هي قمة توبقال 4167 متر .الأن دعونا نتعرف على العشر قمم في المغرب و التي يفوق علوها 4000 متر , من أعلاهم إلى أقلهم علوا : ( Sommet Toubkal) قمة توبقال 4167 متر أعلى قمم 4000 و تقع وسط منتزه توبقال بإقليم الحوز , لها عدة طرق توصل لقمتها , أشهرها و أيسرها هي الطريق التي تبدأ من قرية إمليل مرورا بملجأ توبقال. : ( Sommet Timezguida )قمة تيمزكيدا 4089 متر .ثاني أعلى قمة بالمغرب و تقع بالأطلس الكبير الغربي وسط منتزه توبقال , لها كذلك عدة طرق و يبقا أيسرها الطريق التي تبدأ من قرية إمليل مرورا بملجأ توبقال, و هي جد محادية لقمة وانوكريم : ( Sommet Ouanoukrim ) قمة وانوكريم 4083 متر تالث أعلى قمة جبلية في المغرب و ما ذكرناه حول قمة تيمزكيدا ينطبق على هاته القمة بحيث يوجدان على نفس الكثلة الصخرية و يستحيل أن تصل لإحداهما دون الوصول للأخرى , بحيث يفصل بينهما تقريبا 120 مترا , يسميها البعض ب الراس : (Sommet Ighil M'goun) قمة مكون 4072 متر رابع أعلى قمة في المغرب و تشكل الإستثناء مقارنة بالبقية بحيث هي الوحيدة التي توجد خارج مجال اللأطس الكبير الغربي و تتمركز وسط الأطلس الكبير الوسط قمة جبلية جميلة و مشهورة بحافتها الطويلة ذات الأربع كيلومترات و نصف و المشهورة برياحها القوية في أغلب
.المغرب يعتبر بلد جد محظوظ بموقعه الجغرافي المميز و الذي يجعله يتوفر على أعلى القمم الجبلية في شمال إفريقيا و الوطن العربي كافة :سلسلة الأطلس الكبير تتوفر على اعلى القمم في المغرب , و هاته السلسلة يمكن تقسيمها لتلاثة محاور
إيغيل مكون ( sommet ighil mgoun ) ينتمي للأطلس الكبير الوسط و هو تالث اعلى قمة جبلية في المغرب إلى اعتبرنا ان قمتي وانوكريم Ouanoukrim) 4083 )و تيمزكيدا 4089 (timzguida ) قمة واحدة نظرا لقرب المسافة بينهم , العلو ديالو فيه اختلاف بين 4068 تال 4072 متر و هاد المسألة غير مهمة لأنه مكينش قمة جبلية فالمغرب قريبة لهاد العلو بأمتار قليلة الشيء لي كيلزم نضبطو الأمر. الموقع ديالو جا ما بين أزيلال جنوبا و قلعة مكونة شمالا , و كيتموقع وسط جيوبارك مكون لي صنفاتو ليونيسكو مؤخرا كثرات عالمي بيئي و واجهة للتنوع التراثي , كاين عدة طرقات لقمته و لكن الأشهر و الأيسر هو المسار ديال أزيلال - أعروس - إيكيس - بلاطو تاركديت - القمة. قمة إيغيل مكون لي كنلقبوه بجبل الريح كيتعتبر من الجبال الصعبة و العصية في وجه محبي المغامرة و التسلق و موسم الصعود لقمته كيبدى من ماي تال أكتوبر نظرا لكميات الثلوج الكبيرة و التقلبات الجوية لي كتعرفها المنطقة أنطلاقا من أواخر أكتوبر تال أبريل. متوسط المدة الازمة للوصول لقمته و النزول منها هو تلاثة أيام . اهم ما يميز جبل مكون عن باقي الجبال هي حافته ( la crête ) التي يبلغ طولها 4 كيلومترات و 700 متر تبدأ في علو 3990 متر و تنتهي في قمته في علو 4072 متر , و غالبا كتكون رياح قوية فهاد المقطع و هنا فين كاينة صعوبة الوصول لقمته . طول المسار بدأ من قرية أعروس وصولا للقمة تم العودة لقرية أعروس هو 49 كيلومتر. مستوى الصعوبة : 5/5. فمنسط تركديت 2900 متر كيتواجد ملجئ لإستقبال المتسلقين , كما يمكن إستعمال الخيام. كيبقى على أي واحد ينوي يصعد لمكون يلتزم بلأمور التالية حتى يضمن سلامته و يضمن الإستمتاع بمساره في احسن الأجواء : 1/ الإطلاع على الأحوال الجوية و
إيغيل مكون ( sommet ighil mgoun ) ينتمي للأطلس الكبير الوسط و هو تالث اعلى قمة جبلية في المغرب إلى اعتبرنا ان قمتي وانوكريم Ouanoukrim) 4083 )و تيمزكيدا 4089 (timzguida ) قمة واحدة نظرا لقرب المسافة بينهم ,
بزاف منا فوقت البرد و الثلج مشاو للمناطق الجبلية باش يستمتعوا بالمناظر الخلابة لي كتكون فهاذ الفترات من السنة، و كاين منا لي هوايته التسلق ( alpinisme) و صعود القمم ففصل الشتاء، و بزاف منا ملي رجع عينيه بقاو كيحرقوه و حمارو ليه، و هذا بسبب أشعة الشمس لي تعرض ليها. باش نفهمو مزيان اش كيوقع، ناخدو فكرة على هاذ أشعة الشمس. الشمس فيها العديد من الأشعة ، كتحت الحمراء و السينية و كاما و الفوق بنفسجية ووو... و لكن ماشي كلها كتوصل لينا, حنا لي كيهمنا هي الأشعة الفوق البنفسيجة UV. هاذ UV كتقسم لثلاتة أصناف: UV-A: تأثيرها منخفظ. UV-B: تأثيرها خطير. UV-C: هذي أكثر خطورة و لكن الحمد لله طبقة الأوزون كتحبسها من المرور للأرض, و لكن كاين بعض المصادر الإصطناعية لي كتبعتها. هاذ الأشعة إلى تعرضنا ليهم لمدة طويلة كيسببو أضرار كبييييرة للعين و لجلد, يقدرو يوصلونا للعمى. لهذا ملي نبغيو نديرو شي بلان ديال شي سيركوي فالطبيعة ( randonnée -trek) متنساوش عويناتكم و ديو معاكم نظارات لي أيوفروا ليكم حماية من أضرار UV. هاد الأشعة القوة ديالها كتزاد بإختلاف المناخ, مثلا: جبل : كلما طلعنا 300 متر القوة ديال UV كتزاد ب 4% و إلى كان الثلج كتزاد ب 70%. الصحراء او البحر : كتزاد ب 30%. و كلما كان الجو حار و جاف كلما ازدادت قوتها. إذن ملي تبغيو تاخدو نظارات مزيانين تبعو هدشي : # نظارات الوقاية كيتصنفو ب les classes كاين classe 1/2/3/4 و لأفظل حماية خودو كلاص 4 لي كيوفرو حماية قوية فجميع الظروف المناخية( ممنوع استعمالهم أثناء السياقة) . # تفداو تاخدو ديال زجاج حيث فالغونذوني يمكن يتهرسو فأيتها لحظة. # خودوهم يكونو لاصقين على الوجه و يكون مكيدخلوش الأشعة من الجنب mode sport . هادو أهم الخواص لي كنعتمدو عليهم، الثمن كيتعدى 250 درهم، و لكن راه ايحميو ليك عينيك لي إلى مرضو ليك اتخسر عليهم فلوس صحيحة و ياربي يتعالجوا.
بزاف منا فوقت البرد و الثلج مشاو للمناطق الجبلية باش يستمتعوا بالمناظر الخلابة لي كتكون فهاذ الفترات من السنة، و كاين منا لي هوايته التسلق ( alpinisme) و صعود القمم ففصل الشتاء، و بزاف منا ملي رجع عينيه بقاو كيحرقوه
گاع الناس لي طلعو لقمة توبقال ( toubkal ) أو لي مزال مطلعوش الحلم ديالهم يتصورو مع ديك الحديدة كما الأغلبية كتسميها، ذاك الهرم لي كيتعتبر منبع السعادة، ملي كتوصل ليه كيمشي العياء و التعب و كيتخلطو عليك المشاعر ديال الفرحة و تحقيق الهذف. فسنة 1930 قام اليوطنو الفرنسي GEOVAERS ببناء الهرم الحديدي لي كاين فقمة توبقال ( toubkal ), ملي إكتشفوا أن قمة توبقال ( toubkal ) هي الأعلى فالأطلس الكبير و فالمغرب عموما، من بعد ما كانوا كيعتبروا قمة جبل العياشي 3757 متر هي أعلى قمة فالمغرب. البناء ديالو مكانش باش يعلمو الصومي، أو باش يبقاو ياخدو صور تذكارية، بل كان علمي و ذاخل فإطار تأسيس البنية التحتية للمغرب. كفاش هاذ لبلان ؟ باش بعدا يبنيو داك الهرم فأعلى نقطة فشمال إفريقيا ، مكانش الأمر سهل ، فالمهمة نفذها أكثر من أربعين رجل من سكان المنطقة، لي نقلو الحديد و السيما و معدات أخرى, والغرض هنا هو بناء نقطة جيوديزية (point géodésique) في أعلى قمة في المغرب ( toubkal ). شنو هو هاذ لبلان و لاش صالح؟؟؟!!!! نقطة جيوديزية ( ملقيتش شي ترجمة من غير هذي) أنحاول نبسط المفهوم ديالها و انعتبروها نقطة مرجعية كنعتمدو عليها باش نحددو إحداثيات واحد المكان معين, و هاذ النقط مهمين جدا لأننا كنعتمدو على التموضع ديالهم فبناء مثلا الطرقات، أو رسم خرائط البلد، إستعمالات عسكرية، و كذلك في رصد الزلازل، و إستعمالات أخرى. و البناء ديالهم فيه زوج أجزاء. √√√ جزء الخارجي يمكن يكون هرم بحال لي ققمة توبقال ( toubkal ) لي كنتعلقو فيه ( و مخصناش نبقاو نتعلقو فيه ) كيتعتبر رباعي الأرجل، و ممكن يكون ثلاتي أو ثنائي أو أحادي الأرجل ( جعبة خارجة من الأرض), و خاصو يكون دائما تابث فواحد القياسات لي مضبوطة، و ملي كيتغيرو هاد القياسات إما بسبب زلزال أو ريح جد قوية أو شي إنسان بقا كيتعلق فيه و يطلع عليه، فهنا كيتخربقو الحسابات،
گاع الناس لي طلعو لقمة توبقال ( toubkal ) أو لي مزال مطلعوش الحلم ديالهم يتصورو مع ديك الحديدة كما الأغلبية كتسميها، ذاك الهرم لي كيتعتبر منبع السعادة، ملي كتوصل ليه كيمشي العياء و التعب و كيتخلطو عليك المشاعر ديال
تقع منطقة أيت بوكماز ( Ait bougemaz) في كنف جبال الأطلس الكبيرعلى ارتفاع يتراوح ما بين 1800 متر و 2000 متر على سطح البحر، وتبعد هذه البلدة عن مدينة أزيلال بمسافة 78 كيلومتر شرقا. هناك الكثير من الذين يعتقدون أن "أيت بوكماز" مجرد قرية؛ أيت بوكماز عبارة عن "وادي" مسافته 27 كيلومتر طولا وتضم -أيت بوكماز- 27 قرية أو دوار، وتتوزع هذه القرى بشكل غير منظم على طول وعرض الوادي. تزخر هذه المنطقة بمؤهلات طبيعية متنوعة، من عيون وجبال شااهقة.. بالإضافة إلى المؤشرات أو المظاهر التاريخية التي تزخر بها، مثل المخازن الجماعية للحبوب والتي تم بناؤها بطريقة دقيقة على هرمين يتوسطان الوادي، هرم أو مخزن "سيدي شيتى"، ومخزن "سيدي موسى" هذا الأخير الذي يتمتع بشعبية عالية لما يحمله من دلالات روحانية. هذه المخازن التي تم بناؤها تماشيا وشكل الهرم الذي بني عليه كل واحد منهما فالأول مربع الشكل عكس الثاني الذي أخذ شكل موقعه (دائري الشكل) بالإضافة إلى دور تخزين الحبوب فهذه المخازن تعتبر مكانا لإجتماعات أهل الدوار , فيه تسن القوانين وفيه تعالج مشاكل القبيلة وفيها تطرح هموم الساكنة. علاوة على كل هذا فالمنطقة تحتوي على موقع جيولوجي يحكي ويروي قصة ما قبل التاريخ، إذ رصد مختبر فرنسي آثار الديناصورات التي مرت من المنطقة في عصرها، والتي لازالت منقوشة على صخور موقع "إباقليون"، هذه الآثار التي تحمل في ثناياها قصص لا يمكن لأي منا روايتها. منطقة أيت بوكماز إلى حد الآن ليس لها تاريخ معلوم، بسبب عدم وجود مصادر تاريخية نعتمد عليها في بنائنا لتاريخ هذه المنطقة، إذ تحكي القصص الشفهية قسط كبير من تاريخها ويبقى تاريخ شفوي قابل للزيادة و النقصان و النسيان كذلك، فالذاكرة التي تحفظه قد تغيب عنا ذات يوم، وقد تتعمد ذوات أخرى تزييفه. لقب الهضبة السعيدة أطلقه السياح الأجانب الذين إنبهروا بجمال طبيعة المنطقة و الذي يزرع في النفوس البهجة و السعادة. كتابة : سعيد إيتري أيت لحسن ( إبن المنطقة
تقع منطقة أيت بوكماز ( Ait bougemaz) في كنف جبال الأطلس الكبيرعلى ارتفاع يتراوح ما بين 1800 متر و 2000 متر على سطح البحر، وتبعد هذه البلدة عن مدينة أزيلال بمسافة 78 كيلومتر شرقا. هناك الكثير من الذين يعتقدون أن
. المشي مع السباحة و اليوگا كيتعتبروا من الأنشطة المستحبة و لي كيشجعوا عليها الأطباء أثناء الحمل . طبعا بعد الإستشارة مع الطبيب المختص، يمكن للمرأة الحامل القيام بخرجات المشي الجبلي ابتداءا من الشهر الرابع .الخرجات خاصهم يكونو مكيتعداوش المستوى الثاني من الصعوبة 2/5، و المرأة الحامل كيخصها تشرب الماء بكثرة أثناء المشي ( 1.5 تال 2 ليتر فاليوم) ، و تحافظ على ريتم مشي منتظم، و يكون حذاء مشي مريح و ملائم، و تستعمل عصي المشي .الإبتعاد على المسارات الطويلة ، و الإنصات للجسد، و التوقف قبل الوصول لمرحلة الإرهاق : فوائد المشي الجبلي للمرأة الحامل . الحفاظ على الوزن المناسب ، و اجتناب السمنة * . الحفاظ على نفسية متزنة، و طرد الضغوطات النفسية المصاحبة للحمل * . تقوية عظلات البطن و أسفل الظهر * . استنشاق كمية مهمة من الهواء النقي * .هابي فيت تحي كل النساء الحوامل لي كيشركونا في بعض مساراتنا
. المشي مع السباحة و اليوگا كيتعتبروا من الأنشطة المستحبة و لي كيشجعوا عليها الأطباء أثناء الحمل . طبعا بعد الإستشارة مع الطبيب المختص، يمكن للمرأة الحامل القيام بخرجات المشي الجبلي ابتداءا من الشهر الرابع .الخرجات خاصهم يكونو مكيتعداوش المستوى
( randonnée et trekking) حذاء المشي الجبلي كيبقى من أهم قطعة في معدات خرجات المشي الجبلي : بإختصار هادو أهم المميزات لي خاص يكونو فيه . tige haute ou mi haute , ( la cheville ) يكون طالع على الكاحل * . (يكون كبير علينا بنمرة أو نمرة و نص ( المهم يكونو صباعنا كيلعبو فيه * . Gore tex و أحسن مادة حاليا هي ل , ( respirable ) و كيتنفس ,( imperméable ) يكون مكيذخلش لما * .gripex أو omni-grip او contagrip او vibrame السوميلة الخارجية من لأفظل تكون * .ميكونش تقيل بزاااف، الفردات بزوج يكون الوزن ديالهم من كيلو و نص لتحت * .بالنسبة للأحدية لي كنستعملو ففترة الثلوج كتكون خاصة، بحيث كتحتفظ لينا على درجة حرارة الأرجل، و كتسمح للكماشات أنهم يشدو فيه * . بالخف هادو أهم المسائل لي خاصنا نعرفوهم قبل منشريو حذاء المشي الخاص بنا
( randonnée et trekking) حذاء المشي الجبلي كيبقى من أهم قطعة في معدات خرجات المشي الجبلي : بإختصار هادو أهم المميزات لي خاص يكونو فيه . tige haute ou mi haute , ( la cheville ) يكون طالع على الكاحل
بالعربية الجراميق ( les guêtres ) هوما واحد زوج جلدات كيتلبسو من تحت الركبة تال فوق الصباط كاين فيهم لي قصار و كاين لي طوال، غالبا تيكونوا مكيدخلوش الماء و خاصهم يكونو كيتنفسو، يعني مكيعرقوش من لداخل، و تيكونو كيلسقو فالصباط بسلك او رباط صلب فالغالب ( كاين بعض الأنواع كيتزيرو غير بلاستيك من لتحت) . هاد الجراميق مهمين جدا، قراو تال الأخر باش تفهمو الأهمية ديالهم. أولا كاين واحد الفكرة مغلوطة و هي أن ليگيطر كيتلبسو غير فالثلج و هذا خطأ،لأنهم صالحين فبزاااف دلحالات بلا ثلج. أولا : كيحميوك من أن رجليك يتنبلو عليك!!! و التنبال درجلين ( les ampoules ) من أصعب المسائل لي يقدرو يوقعو ليك و نتا شاد الطريق، و من بين الأسباب ديالو هو ارتفاع الرطوبة ديال الأرجل، لهذا رجليك خاصها تكون ديما ناشفة من لداخل، و زيادة على ان الصباط خاصو يكون أمبيرميابل ف les guêtres مكيسمحوش باش يدخل الماء دالمطر او تاع شي حاجة أخرى لداخل الحذاء و هكذا كتحافظ على جفاف القدم. ثانيا: كينفعو بزززاف ملي كيكون الثلج، حيث كتكون عندك طبقة عااازلة ضد البرودة و مكتسمحش لحبات الثلج أنهم يتسللو ليك لداخل الصباط، و بالتالي كتمشى وسط الثلج و رجليك سخان. ولو يكون عندك السروال أمبيرميابل فمغديش يحمي ليك سباطك فحال ليگيطر. ثالثا: كايحفظو ليك على سروالك باش ميتقطعش، حيث فالغوندوني راك كتمشى وسط الحشائش ( جمع حشيش أي العشب اليابس ماشي لكتامية) و أغصان الأشجار و الغيص و ما جاورهما، و بالتالي السروال كيتكرفص مزيان، فهنا les guêtres كتهنا على سروالك. رابعا : كيحميوك من لسعات الحشرات و الأفاعي السامة حيث كيشكلو درع واقي لأسفل القدم خامسا: حجرة صغيرة،رملة المهم أي حاجة تقدر تدخل لرجليك و تبرزطك كتهنا منها. هادو أهم الفوائد ديالهم. واحد الإشارة مهمة نبغي تردو ليها البال، واحد الخطأ بزاااف منا كيديروه و هي الميكة ملي كنلبسوها ما بين زوج تقاشر ملي كيكون الثلج باش مايفزگوش لينا
بالعربية الجراميق ( les guêtres ) هوما واحد زوج جلدات كيتلبسو من تحت الركبة تال فوق الصباط كاين فيهم لي قصار و كاين لي طوال، غالبا تيكونوا مكيدخلوش الماء و خاصهم يكونو كيتنفسو، يعني مكيعرقوش من لداخل، و تيكونو كيلسقو
Bâton de randonnée أو عصى المشي شي حاجة مهمة جدا أثناء تواجدنا وسط البرية و فوائدها جمة انحاول نذكر ما تيسر من الإستعملات ديالها. #1 كتنقص الضغط ديال الوزن على مفاصلنا ( الركبة-الكاحل-العمود الفقري..) أكثرية إلى كان circuit de randonnée لي أضرب طويل. #2 كتساعدك تشد التوازن ديالك، و كما هو معروف كلما بديتي تعيا كيمشي ليك ليكيليبر و نتا غادي فالجبال و الحافة الله يحفظ متشعرش براسك حتى تسلم على العربي . #3 كتنقص عليك التعب ديال عضلات أسفل الظهر، أكثرية إلى كنتي هاز صاك تقيل ( هادي ميحس بها غير المجرب) #4 كتنظم ليك ريتم ديال المشي و هذي بحد ذاتها مهمة جدا، لأنه إلى كان عندك إقاع منظم اتمشي بعيد و متعياش ( غير هيا شوف شكون يرجعك هه). #5 كتساعدك أنك تجاوز العراقيل لي كتلقى فالطريق ( جدع شجرة، صخرة، ضاية صغيرة..) #6 مكتخليش ليك يديك و صباعك يتنفخو، حيت كتستعملهم و بالتالي الدم كيدور. 7# كتخليك تأكد من سلامة الطريق ، مثلا الحجر واش شاد بلاصتو الثلج واش غارق واش صحيح، تنقي الطريق قدامك الى كنتي داخل وسط غابة كتيفة... #8 كتحافظ ليك على استقامة الجسم ( la posture) و هنا خاصك تعرف تريگلها ، ديما خاص الكود ديالك يكون 90 درجة بحال هكدا???? . #9 تقدر تعاونك باش تصايب ملجئ للحماية بالإستعانة ببطانية النجاة (couverture de survie ) #10 تقدر تستعملها باش تفيكسي شي جزء من الجسم الى تعرض لكسر لقدر الله ( Attelle de fixation) . #11 تقدر تدافع بيها على راسك إلى خرج ليك شي حيوان . ثمن الواحدة يتراوح من 60 درهم و نتا طالع على حساب التقل و نوعية المادة المصنوعة منها مثلا الألومنيوم و الكربون أفظل لأنهم أخف و أصلب. من الأفظل تكون كتجمع . فالأول اتجيك المشية بيها معنكشة و لكن اتولف من بعد. فالطلعة تقدر تزيد فالطول و النزلة العكس نقص من الطول. و نختم بهاد الأية
Bâton de randonnée أو عصى المشي شي حاجة مهمة جدا أثناء تواجدنا وسط البرية و فوائدها جمة انحاول نذكر ما تيسر من الإستعملات ديالها. #1 كتنقص الضغط ديال الوزن على مفاصلنا ( الركبة-الكاحل-العمود الفقري..) أكثرية إلى كان circuit de randonnée
بالنسبة لناس لي كيخرجو للطبيعة (randonnée - trek) مهم يكون عندكم فصاككم غطاء الإنقاذ ( couverture de survie) بطانية النجاة، كاشة دالعتيق ، ليزار دلأليمينيوم هههه... المهم سميوها لي بغيتيو ، حجمها صغير و زنها لا يتعدى 300 غرام، و ثمنها رخيص ( متفوتش 50 درهم) و فوائدها و استعمالاتها كثيييرة و مهمة، فهاذ المقال انهضر ليكم على فاش نقدرو نستعملوها، قراو تال الأخير :). هاذ اللعيبة معروفة عند الجميع أنها كتحافظ على درجة حرارة الجسم من الضياع ، و فنفس الوقت كتحميك من درجة الحرارة المرتفعة، بإختصار عازل حراري ، و لكن فالحقيقة نقدرو نستعملوها فمسائل أخرى. جل هاذ الأغطية كيكون عندهم زوج وجوه، واحد فالغالب ذهبي و الأخر أبيض أو فضي، ملي كتبغي تخبى من البرد الجهة المذهبة كتكون من الذاخل و ملي كتبغي تخبى من الحرارة العكس. #1 إلى شي واحد جاتو hypothermie( نزلات ليه درجة حرارة الجسم نقدرو نغطيوه بها اتنفعو بزااف. #2 إلى عندك sac de couchage على قد الحال و مكانش كافي انو يحميك من البرد تقدر تغشيه بها من برا. غير رد بالك متغطيش بها راسك ، راك تخنق. #3 الى كنتي عرقان متلويهاش عليك ايرجع عليك العرق و اتمرض. #4 الى مكانش عندك السروال امبرميابل و بغيتي تجلس فالثلج حطها و جلس عليها حيت مكدوزش الما و البرودة ديال الثلج، و كذلك تقدر تحطها تحث الطابي باش متوصلكش البرودة #5 الى كان المطر تقدر تخبع تحتها او تحطها فوق الخيمة باش متفزگش. #6 الى كان البرق و الرعد (عواصف) او فجنب شي مصدر ديال شي تيار كهربائي متستعملهاش حيت المكونات ديالها معدنية و موصلة للكهرباء ( هاد المسألة فيها نقاش) . #7تقدر تستعملها كواقي من العجاجة ( الرياح القوية) #8 تقدر تجمع بيها الماء وقت المطر. تحفر حفرة و تغلف لداخل دالحفرة بها و تخليها يتجمع فيها الماء #9الى كنتي فحالة خطر تقدر تستعملها لإثارة الإنتباه من بعيد بالجهة الذهبية ديالها لي
بالنسبة لناس لي كيخرجو للطبيعة (randonnée – trek) مهم يكون عندكم فصاككم غطاء الإنقاذ ( couverture de survie) بطانية النجاة، كاشة دالعتيق ، ليزار دلأليمينيوم هههه… المهم سميوها لي بغيتيو ، حجمها صغير و زنها لا يتعدى 300 غرام، و
