حقيبة طريق الأطلس 2.0 – 8 أيام / Le sac du TREK D’ATLAS 2.0 – 8 jours

فمسار طريق الأطلس 2.0 trek atlas  لي المدة ديال 8 أيام وسط جبال الأطلس الكبير ، انحتاجو ملابس و معدات لي انديو معانا ، و الكثير كيحير فشنو خاصو يدي و شنو ما يديش باش ميتقلش و فنفس الوقت ميحصلش.

الأشياء التي سيتم ذكرها  تعتبر مهمة و أساسية :

اولا خاص يكون عندنا حقيبتين لظهر :

* حقيبة 60 – 70 ليتر : هذي لي انجمعو فيها جميع الملابس و المعدات و مغديش نكونو كنتمشاو بها طيلة المسار.

* حقيبة 20 – 25 ليتر : هذي هي لي انكونو كنتحركو بها طيلة ايام المسار و كيكون فيها الماء و المقوتات ( تمر – فواكه جافة..) و الصيدلية و الحاجيات الخاصة.

الملابس :

* حذاء مشي جبلي جيد و مريح لي ايصبر لينا على طول الطريق ( ممكن نجيب واحد إضافي ) و ميعدبناش فرجلينا و هادو اهم المميزات :

– يكون طالع شوية فوق الكاحل.
– من الأفظل يكون مانع لتسرب الماء و فنفس الوقت يكون كيتنفس ( أحسن نسيج حاليا هو gore tex). 
– سوميلة الخارجية تكون مصممة للأرضيات الجبلية ( أحسن ماركة هي vibram) .
– ضروري يكون كبير علينا برقم أو رقم و نصف، مثلا إلى فلأحذية العادية كنلبس 40 فحذاء الجبل ضروري يكون 41 او 41.5 . باش نتفداو انتفاخ الأصابع خصوصا عند المشي فالمنحدرات.

معلومات أكثر:  https://zez.euu.temporary.site/.website_9d684985/chaussure-de-randonnee-حذاء-المشي-الجبلي/

* اربع جوارب : من الأفظل يكونو خاصين برياضة المشي الجبلي .

* سروالين مريحين في المشي واحد خفيف و الثاني دافئ ( اجتنبو الدجين) .

* شورط من الأفظل ميكونش قصير جدا احتراما لخصوصيات أهالي القرى الأمازيغية التي سنمر بها.

* 3 تيشورطات ( الطبقة الأولى) يكونو سانتيتيك .

* 2 بوليرات ( الطبقة الثانية )

* سترة ( الطبقة التالثة) تكون مانعة لمرور المياه و تسمح بتنفس الجسم و توقف مرور الريح.

* بونشو.

* طاقية.

* قبعة او شال صحراوي للحماية من أشعة الشمس.

* قفازات.

* نظارات شمسية  تكون صتف تالث او رابع ( تفاصيل أكثر https://zez.euu.temporary.site/.website_9d684985/comment-choisir-mes-lunettes-de-randonnee-كيف-أختار-نظاراتي-الجبلية/).

 * صندالة خفيفة لإراحة الأرجل عند انتهاء جولات المشي اليومية.

* مصباح رأس.

* حقيبة الماء.

* حقيبة النوم ( درجة الحرارة تكون ما بين 0/10 درجات)

* عصى المشي.

* حقيبة الأسعافات الشخصية :

– دواء الم الرأس ( doliprane  مثلا)
– دواء الم الأسنان ( codoliprane مثلا)
– دواء مضاد الإلتهاب و تخفيف الالم ( profinide 75 mg مثلا)
– دواء الإسهال imodium لإيقاف الفوري و apazide لمعالجة الأمعاء في حالة إلتهاب خفيف .
– دواء أوجاع المعدة gastrogel sachet للحموضة و nospa fort لآلم الأمعاء.
– مطهر ( hexomedine solution )
– ضمادات
– مقص
– ضمادة لاصقة قابلة لتمدد Tensoplaste 10cm

– واقي أشعة الشمس
– مرطب شفاه
– pansements anti ampoules.

* تمر- فواكه جافة – شكلاطة …

كانت هذه لائحة المعدات واللوازم الأساسية التي سنحتاجها طيلة 8 أيام في مسار طريق الأطلس 2.0.